Со планот е извршена е стручна процена на 5.658 км реки, односно анализирани се повеќе од 70% од сите реки, рекички, потоци и повремени водотеци во земјава. Согласно извршената процена, 4.647 км, односно над 80% од анализираната дренажна речна должина поседува високо конзервациско значење во однос на речниот диверзитет и висок хидро-морфолошки статус. Во овој процент влегуваат и 1,841км водотеци кои се наоѓаат во заштитени подрачја.

 “Првата и најважна функција на заштитените подрачја е да ја зачуваат природата – проектите за хидроенергија со нивниот катастрофален ефект врз природата и биолошката разновидност не припаѓаат во заштитени подрачја, како на пример национален парк”, рече Тереза ​​Шилер, раководителка на проектот во фондацијата ЕуроНатур, една од организациите кои ја координираат кампањата “Спаси го синото срце на Европа”.

Фронт 21/42, како локален партнер во кампањата повика на итно прогласување на заштитни зони за реките. Нашиот став е дека новата Стратегија за развој на енергетиката до 2035 година мора да ја рефлектира меѓународната цел за биолошка разновидност и да ги исклучи идентификуваните така наречени НОУ – ГОУ зони за развој на хидроенергетски проекти.

Еко-Мастер планот за Балканските реки го поддржа и Заменик министерот за животна средина, Јани Макрадули. Тој ја потврди потребата од определување на заштитени зони за реките во кои нема да биде дозволен иден развој на хидроенергетски проекти и ги поддржува заклучоците и препораките на Еко-Мастер планот: “Сите ние, ние [Министерството за животна средина], експертите, бизнис претставниците, меѓународната заедница, граѓанските општествени организации, треба да ги здружиме силите и заедно да ги решававме предизвиците за заштита на природата и општествениот развој”.