Борбата против климатските промени кои реално се закануваат да ја изменат оваа убава и богата планета е една од нашите главни цели. Oва е една од најважните работи која нашата генерација мора да ја направи како што треба.
Потрошувачкото општество во кое живееме се заканува да го претвори во пустош светот кој сеуште изобилува со ресурси и бесконечен број на форми на живот. Тоа значи дека на нашите потомци ќе им оставиме свет во кој ќе биде многу тешко и опасно да се живее.
Цврсто веруваме во концептот на одржливо искористување на природните ресурси, како единствен предуслов за одржлив развој, а природата е нашиот најголем учител за одржливост.
Формално еколошката легислатива во Македонија е речиси целосно хармонизирана со европската. Во реалноста сликата е дијаметрално спротивна – граѓаните не си ги познаваат ни основните законски права, загадувачите ги кршат законите и во најдобар случај поминуваат со симболични казни, граѓанскиот сектор нема доволно познавање и капацитет да ја промени ситуацијата, еколошки правници нема, а правото од јавен интерес е на многу ниско ниво.
Затоа, во 2006 година решивме да започнеме со програма „Правото за животната средина“.
Во Македонија има голем број на помалку или повеќе активни граѓански здруженија кои работат на полето на животната средина. Преку нашите активности се залагаме за активен еколошки граѓански сектор кој квалитетно учествува во кроењето на политики и носењето на одлуки поврзани со животната средина.
Во Македонија има голем број на помалку или повеќе активни граѓански здруженија кои работат на полето на животната средина. Преку нашите активности се залагаме за активен еколошки граѓански сектор кој квалитетно учествува во кроењето на политики и носењето на одлуки поврзани со животната средина.
Подигнувањето на јавната еколошка свест е неодвоив дел од сите наши проекти и активности. Овде може да прочитате за проектите и активностите чија примарна цел е едукација и подигнување на јавната свест, а кои не се директно поврзани само со една од останатите три програми – климатски промени, одржлив развој и еколошко право.
