Еко Форум е  продолжение и надоградба на претходните проекти „НВО Дијалог“ и „Нов НВО Форум“ кои исто така беа финансирани од страна на Европската Комисија.

Општата цел на Еко Форум е зајакнување на граѓанските организации активни на полето на животната средина во земјите кандидати и потенцијални кандидати, преку размена на информации од областа на политиките за животна средина на ЕУ, како и за развојот во политиките за проширување. Проектот, исто така ќе му овозможи на Генералниот Директорат за Животна Средина да ги консултира граѓанските здруженија за развојот на Европските политики и нивното влијание во наведените земји. Селектираните организации ќе добиваат најнови информации поврзани со политиките за животна средина на ЕУ, Регионалната Еколошка Мрежа за Пристапување (Regional Environmental Network for Accession - RENA) и други важни информации поврзани со Европската Унија.

Овие организации треба понатаму да ги пренесат овие информации во поширокото еколошко граѓанско општество во нивните земји, како и да се консултираат со останатите здруженија во врска со теми од областа на животната средина и развојот на граѓанскиот сектор и овие информации и ставови да ги претстават во Брисел. Најпосле, цел на Еко Форумот е да ја зајакне улогата на граѓанските здруженија во процесот на проширување на Европската Унија. 

Со проектот се опфатени граѓански здруженија кои работат на полето на животната средина во: Хрватска, Македонија, Турција, Србија, Босна и Херцеговина, Црна Гора, Косово и Албанија. Секоја од овие држави е претставена со неколку селектирани организации.

Македонија ја претставуваат: Фронт 21/42; Македонски Зелен Центар; и 4x4x4 Балкански мостови.

Во рамките на  Еко Форумот се реализираат следниве активности:

-          Годишни состаноци на организациите учесници со претставници на Европската Комисија во Брисел

Прочитајте за Првиот годишен состанок во Брисел

-          Национални подготвителни состаноци

Прочитајте за Првиот подготвителен состанок во Македонија

-          Користење на информатичка технологија.

Проектот има своја веб страна која може да ја посетуваат и користат сите здруженија на граѓани (и останати целни групи) од наведените држави.

Особено важна и корисна алатка на веб страната е Helpdesk сервисот, кој им овозможува на здруженијата на граѓани да поставуваат прашања од областа на животната средина и проширувањето на Европската Унија, како и директно да проследат одредени информации до претставниците на Европската Комисија. Регистрацијата за овој сервис е бесплатна.

Повеќе за Helpdesk сервисот на горенаведената веб страна

Линк до веб страната на Еко Форум www.envforum.eu

Останати корисни линкови:

Генерален Директорат за проширување

Генерален Директорат за животна средина

Генерален Директорат за клима

Делегација на Европската Унија во Македонија

Секретаријат за Европски прашања

Техничка помош за граѓанските организации

Еко Форум е проект финансиран од страна на Европската Унија. Информациите на оваа веб страна се одговорност исклучиво на Фронт 21/42 и во ниеден случај не ги одразуваат ставовите на Европската Унија