Активистите и правниот пристап од 12-01-2008 до 12-01-2009 во Македонија, Црна Гора
Еколошките закони се најефективни кога се користат како алатка за превенција на штета врз животната средина и здравјето на луѓето.
Во Македонија, како земја кандидат за членство во Европската Унија, постојат голем дел од правните алатки за заштита на животната средина кои ги користат и Европските граѓани и организации. За жал кај нас поголемиот дел овие алатки се многу повеќе теорија отколку реалност. Целта на овој проект е да се подигне капацитетот на еколошките организации од Македонија и Црна Гора да го користат правото како алатка за превенција на штета врз животната средина.
За оваа цел правниот тим на Фронт 21/42 изработи обемна анализа на постоечката легислатива од аспект на правни можности за превенција на штета врз животната средина и здравјето на луѓето. Се надеваме дека документот ќе им помогне на граѓаните и граѓанските здруженија во Македонија за успешно да ги користат можностите за заштита на животната средина кои ги нуди законот.
Покрај анализата, нашиот тим изработи и кратка анализа на правни стратегии за заштита на животната средина кои може да се применат во Македонија.
