Сакате да спречите рестартирање на Топилницата во Велес? Што да правите во случај на активирање на ТЕЦ Неготино? Ве загрижуваат најавите за можна нуклеарна централа во Македонија?

Доколку има некој проект (фабрика, автопат, стратешки план, итн) кој сметате дека може да има негативно влијание врз животната средина и сакате тоа да го спречите, ве молиме пополнете го прашалникот и до 15 јуни 2009 испратете го на: contact@front.org.mk

Нашите правници, во соработка со нивните ментори од Европската Унија, ќе одберат еден случај за кој ќе изработат детална правна анализа. Покрај ова, ќе биде изработена и Стратегија за ефективно искористување на правните алатки за превенција на негативно влијание врз животната средина и здравјето во Република Македонија. Сите наведени документи (листата на предложени случаи, правната анализа и Стратегијата) ќе им бидат испратени на сите оние кои учествувале во консултациите.

Придружете ни се во напорите да го искористиме правото за заштита на животната средина и здравјето на луѓето во нашата убава земја!

Консултациите се дел од проектот „Активистите и правниот пристап“, финансиски поддржан од Европската Комисија, DG Environment.