Делегацијата на Тувалу беше поздравена со громогласен аплауз кога еден ден по протестот се врати во салата.

Тувалу сеуште инсистира на правно обрзувачки договор во Копенхаген, кој ќе го наследи Протоколот од Кјото, а не само политичка рамка или договор без правна основа за каков се залагаат развиените држави. Алијансата на мали островски држави, како и повеќето држави од Африка ја поддржуваат оваа иницијатива на Тувалу.

Проблемот е што доколку до крајот на конференцијата останат заложбите на развиените онакви какви што се, тогаш наместо 350 ppm CO₂ eq, колку што науката вели дека е максимум дозволено за да се задржи глобалното затоплување под 2°С, концентрациите би пораснале до 650 ppm CO₂ eq_.  Вакви концентрации со сигурност би довеле до катастрофални последици кои не може веќе да се менаџираат.